1 Kor. 12: 4-6 - Daar is ?n verskeidenheid van genadegawes - maar dit is dieselfde Gees wat dit gee: daar is ?verskeidenheid van bedieninge - daar dit is dieselfde Here wat die opdrag gee. Dit is dieselfde God wat alles in almal tot stand bring. † Johannes 6:63 - Dit is die Gees wat lewend maak - die vlees is van geen nut nie die woorde wat Ek tot julle spreek - is gees en is lewe. † 1 Timotheus 6 vers 10 - Geldgierigheid is 'n wortel van allerlei kwaad. Party het geld nagejaag en toe van die geloof afgedwaal daardeur het hulle hulleself baie ellende op die hals gehaal. † Matteus 9:17 - ?n Mens gooi ook nie nuwe wyn in ou leersakke nie anders bars die sakke en die wyn loop uit en die sakke vergaan. Maar ?n mens gooi nuwe wyn in nuwe sakke en altwee bly behoue. † Kol. 4:2 - Volhard in die gebed! † Die God van vuur - Die HERE - die Lig van Israel en die Heilige Een - sal die vuur wees wat hulle vernietig. In een nag sal Hy daardie dorings en dissels verbrand. (Jes. 10:17) † Jesaja 41 vers 10 - Moenie bang wees nie - Ek is by jou - moenie bekommerd wees nie - Ek is jou God. Ek versterk jou - Ek help jou - Ek hou jou vas - met my eie hand red Ek jou. † Johannes 16:23B - 24 - En in daardie dag sal julle My niks vra nie. Voorwaar - voorwaar Ek s? vir julle - alles wat julle die Vader sal vra in my Naam - sal Hy julle gee. Tot nou toe het julle niks in my Naam gevra nie. Bid en julle sal ontvang - sodat julle blydskap volkome kan wees. † Psalm 59 vers 18 - Tot u eer wil ek sing - U - my Sterkte - want U is my veilige vesting - U is my troue God. † Psalm 34:10 - Julle wat aan die Here behoort - dien Hom!!! Wie Hom dien - het geen gebrek nie. † Joh.15: 16-17 - ?Julle het my nie gekies nie. Dit was Ek wat julle gekies het. En Ek het julle met ?n doel gekies: julle moet ?n vrugbare lewe vir God gaan leef. Ja - julle moet ?n permanente verskil in hierdie w?reld gaan maak.? † Jeremia 29 vers 12 - Dan sal julle My aanroep - tot My kom bid - en Ek sal julle gebede verhoor † Spreuke: 29: 22 - 23 - ?n Opvlie?nde mens veroorsaak rusie: iemand war kort van draad is - doen sonde op sonde. Hoogmoed bring mens tot ?n val: nederigheid bring eer. † Klaagl. 3: 22 - 23 - Daar is geen einde aan Sy ontferming nie - dit is elke more nuut † Pred. 2:13 - Dit het ek wel ingesien dat dit ?n mens meer baat om wysheid te h? as om dit nie te h? nie - net soos lig ?n mens meer baat as duisternis. † Johannes 15 vers 5 - Ek is die wingerdstok - julle die lote. Wie in My bly en Ek in hom - dra baie vrugte - want sonder My kan julle niks doen nie. † Romeine 15 vers 17 - In Christus Jesus is ek trots op wat ek in diens van God verrig. † Jesaja 65:24 - En voordat hulle roep - sal Ek antwoord terwyl hulle nog spreek - verhoor Ek. † Psalms 40:1 - Ek het die HERE lank verwag - en Hy het Hom na my toe neergebuig en my hulpgeroep gehoor † Eksodus 15:2 - Die Here is my krag en my beskerming. Hy het tot my redding gekom. † Jesaja 6 vers 8 - Toe het ek die Here hoor vra: Wie kan Ek stuur? Wie sal ons boodskapper wees? Ek het geantwoord: Hier is ek! Stuur my! (Is jy ook so gewillig?) † 1 Petrus 4:12 - 13 - Geliefdes - verbaas julle nie oor die vuurgloed van vervolging onder julle wat tot julle beproewing dien - asof iets vreemds oor julle kom nie maar namate julle gemeenskap het aan die lyde van Christus - moet julle bly wees - sodat julle ook by die openbaring van sy heerlikheid met blydskap kan jubel. † Matteus 17:20 - En Jesus antwoord hulle: Deur julle ongeloof want - voorwaar Ek s? vir julle - as julle geloof het soos ?n mosterdsaad sal julle vir hierdie berg s?: Gaan weg hiervandaan daarnatoe! en hy sal weggaan - en niks sal vir julle onmoontlik wees nie. † I Johannes 5:4 - Want alles wat uit God gebore is - oorwin die w?reld en dit is die oorwinning wat die w?reld oorwin het - naamlik ons geloof. † God gee om - Gee al julle bekommernisse aan God oor - want Hy gee vir julle om. (1 Pet.5:7) † Mattheus 5:7 - Gese?nd is die wat barmhartig is want aan hulle sal barmhartigheid bewys word. † Die openbarings 19:5b - Prys onse God - al sy diensknegte - en julle wat Hom vrees - klein en groot! † Jesaja 9: 5 - Vir ons is ?n Seun gebore - aan ons is ?n Seun? gegee Hy sal heers - en Hy sal genoem word: Wonderbare Raadsman - Magtige God - Ewige Vader - Vredevors. ? † Mattheus 5 : 3 - ?Gese?nd is di? wat weet hoe afhanklik hulle van God is - want aan hulle behoort die Koninkryk van die hemel.? † Romeine 6:23 - Want die loon van die sonde is die dood - maar die genadegawe van God is die ewige lewe in Christus Jesus - ons Here.

 

 

Jeug Kinders

 


Geloofsvorming van Kinders.

 

Soos kinders vorder van doeke tot diplomas is daar een allesoorheersende saak waarvoor elke Christen-ouer te staan kom, naamlik die geestelike groei van ons kinders.  In Spreuke 22: 6 lees ons: “Gee leiding aan ‘n jongmens oor hoe hy moet leef, en hy sal ook as hy oud is nie daarvan afwyk nie”. 

 

Jy dink dalk nou: Wat dan van die kerk?  Is ons kinders se geestelike onderrig dan nie die kerk se verantwoordelikheid nie?. Dis mos darem waarvoor leraars opgelei word, nie waar nie?

 

Dis wel waar dat leraars God se Woord doeltreffend verkondig en gevolglik lig bring in baie lewens, maar hulle sal die eerste wees om vir jou te sê dat die geestelike onderrig van kinders nog nooit bedoel was om beperk te word tot ‘n enkele uur op ‘n Sondag nie.

 

Saam met kerkbywoning is geestelike onderrig ook bedoel om elke dag voor kinders uitgeleef te word deur hulle ouers en grootouers wat hulle liefhet.

 

Dink vir ‘n oomblik hoe die bywoningsyfers van ons kerke sou wees as elke persoon wat in die kerk grootgeword het, volgende Sondag kerk toe sou kom.  Die bestaande kerkgeboue sal nie eers naastenby almal kan huisves nie.  

 

In Deuteronomium 6 lees ons hoe ons veronderstel is om ons liefde vir God elke dag in die huis aan ons kinders oor te dra:  “Daarom moet jy die Here jou God liefhê met hart en siel, met al jou krag.  Hierdie gebooie wat ek jou vandag gegee het, moet in jou gedagtes bly.  Jy moet dit inskerp by jou kinders en met hulle daaroor praat as jy in jou huis is, en as jy op pad is, as jy gaan slaap en as jy opstaan” (Vers 5-7). 

 

Ons as gemeente wil aan u bevestig, dat ons saam met u “Ja” geantwoord het op die dag met u kind se doopbelofte.  Ons as gemeente wil saam verantwoordlikheid neem vir hul geestelike opvoeding, hul geloofsgroei, hul dissipelskap en hul reis met God. 

 

Maar daarvoor moet hulle hier wees om die “Goeie nuus” te kan hoor, om onderlinge gemeenskap te beleef, om sorg te gee en sorg te ontvang en saam hul mylpale in die lewe te vier. 

 

“Going to church doesn’t make you a Christian, any more than going to Mc Donalds makes you a hamburger” sal sommige sê.  Ons stem saam.  Dit is nie die leë kerkgebou wat ons vorm in die lewe nie, maar die boodskap wat ons in hierdie heilige ruimte hoor. 

 

Dit is een van die ruimtes waar God gekies het om ons bymekaar te versamel om Sy Woord te kan hoor en om toegerus te word.  Die erediens byeenkoms is ook die ruimte waar ons kan antwoord op God se liefde, deur uit dankbaarheid saam te sing en Hom te loof in gebed. 

 

Daarom, al is jou kinders woelig, al voel dit of jy nie veel van die boodskap inneem, of selfs dalk van die preek hou nie, is jy besig om ‘n gesonde geloofsgewoonte te vestig.  Kinders gaan jou voorbeeld dophou, en daarom wil ons jou as ouer en as grootouer eerstens aanmoedig om kerkbywoning ‘n prioriteit te maak.  Die kinders leer deur u voorbeeld. 

 

Tweedens wil ons u aanmoedig om u doopbelofte te onthou en uself vir hierdie jaar weer toe te wy.  Ons is vennote in u kind/ers se geloofreis, maar u as ouer bly die persoon wat primêre verantwoordelikheid neem vir hul geloofsgroei.  As gemeente wil ons alles in ons vermoë doen om u toe te rus, u te ondersteun en saam te reis.  Die huisgesin is die eerste ruimte waarin God Homself openbaar.  Daar waar julle in die kar ry, waar julle rondom die etenstafel sit, of selfs voor die televisie sit… daar is God teenwoordig. 

 

Daarom wil ons u aanmoedig om elke denkbare geleentheid aan te gryp om oor God met u kind/ers te gesels. 
In die volgende paar weke sal ons weekliks ‘n artikel in die blaadjie plaas oor die geloofsgroei van kinders.  Ons moedig u aan om saam te reis.

 

Ons hou dan ook hierdie jaar in Julie ‘n Gesinskonferensie waar ons sprekers en kundiges gaan nooi om te praat oor die vele eienskappe van ouerskap - onder andere sal ek ‘n sessie aanbied oor die verskillende Geloofsfases van kinders. 

 

Kom reis saam.  Hê saam pret.  Leer oor God op verskillende maniere- gedurende die Erediens en die gesinsoomblik, moedig u kinders aan om Loftjokkers, Lofland of Icon op Sondae by te woon en al die vele sosiale geleenthede en uitreikgeleenthede.  Kom hê saam pret by die dieretuin, reis saam deur Paasfees en ons Kinder-Paasfees reeks.   

 

Vrede
Ds Natalia Strydom